VIGAN CITY – Pinasingkedan ni Bombo International Correspondent Marife Querubin a Don Dimas, Caoayan ken maysa nga OFW idiay Jordan, Hongkong a narigrigat ti kasasaad ti pagilianda ngem ditoy pagilian iti kangitingitan ti lockdown.
Segun ken ni Querubin, saan a mabalin nga agkukuyog ti nasursurok ti uppat dagiti tao ta no matiliwanda ket agmueltada ti limaribo a hongkong dollar a katukad ti tallopulo a ribo a pisos.
Kabayatanna, no rumuarda ket ikkan ida dagiti employerda ti alcohol, face mask ken madisinfect da no sumangpetda kadagiti pagtaengan dagiti amoda nga isuda met ti makaammo no palubosanda ida a rumuar wenno saan ken ingunamgunamna nga iti kangitingitan ti rigat iti nasao a pagilian ket saan a maikkat ti panagtitinnulong ti Filipino community iti ayanda.
