VIGAN CITY – Inkari ni Gov. Ryan Luis Singson kenni Vice Chairman Zhang Weigou ti Chinese Peoples Political Consultative Conference idiay Hubei province, China a saan a maapektaran iti sisterhood agreement a nagpinnirmaan ti Ilocos Sur ken Hubei province gapu iti agraraira a coronavirus- disease 2019 (COVID- 19)
Agsipud iti dayta, makitinnulong latta iti probinsiya iti benneg ti ekonomia, negosyo, kultura, edukasyon, sports, urban construction, panangsalaknib ti aglawlaw, turismo ken dadduma pay a kas nakailanad iti sisterhood agreement a napirmaan.
Ingunamgunam ni Singson a suportaran ti probinsia ti tignay ti Hubei provincial government kas ti panangipasiguradoda a matartaripato a naimbag dagiti pasyente nga apektado ti COVID 19 pakairamananen ti agtultuloy a panagsukimatda iti bakuna a makaagas kadagiti pasyente.
Kaggiddan iti dayta ket nakipagladingit ti gobernador gapu iti umad-adu a bilang dagiti matmatay gapu ti COVID 19.
