Papigsaen pay ti Department of Social Welfare and Development (DSWD) ti pannakibinnuligda iti National Commission of Senior Citizen tapno masigurado ti timely release dagiti benepisio para kadagiti centenarians.
Segun ken ni DSWD Spokesperson Assistant Secretary Irene Dumlao, pinainget pat ti ahensia ti koordinasion saan laeng nga iti NCSC ngem iti pay Office for Senior Citizens Affairs (OSCA) dagiti lokal a gobierno.
Gagem ti addang tapno masigurado a maipaay a dagus ti cash incentives ken felicit6ation letter kadagiti nataengan nga umabot iti sangagasut ti tawen-na kas panangsurot ti naikeddeng a Centenarians Act.
Ti addang ket kasaruno ti nag-viral a kaso ti uppat nga Aeta centenarians idiay Capas, Tarlac a naireport a saan da a nakaawat ti insentibo gapu iti isyu nga overaged a dagus met nga inaksionan ni DSWD Secretary Rex Gatchalian babaen ti DSWD Field Office 3.
