VIGAN CITY- “Kabaelan dagiti agad-adal iti probinsiya nu anya ti kabaelan dagiti agad-adal kadagiti syudad” , dayta ti kayat a paneknekan ni Dr. Adrienne Enrique Boado ti Pangasinan a maysa kadagiti medicine students ti University of Northern Philippines- College of Medicine a nakapasa iti 2018 Physicians Board Examination.
Ti interview ti Bombo Radyo Vigan ken ni Dr. Boado, naibaga na nga idi nagenroll iti kurso a medisina idiay UNP, nadlaw na a nababa ti panagkita iti kaaduan kadagiti medicine students nga agad-adal laeng kadagiti probinsiya kas ditoy Ilocos Sur isu nga inpasnek na iti nagadal tapnu mapaneknekan a nu anya ti kabaelan dagiti adda kadagiti sikat a pagadalan idiay Manila ken sabali pay a syudad ket kabaelan met dagiti kas kenkuana nga agad-adal ditoy probinsia.
Malaksid iti dayta, nagserbi pay nga inspirasyon na ti kinapudno a bassit laeng dagiti doktor ditoy pagilian isu nga adu dagiti kailian kadagiti nasusulinek a lugar iti saan a maipapaayan iti naan-anay a medical attention isu nga inrugi na ti Community advances Medical program (CAMP) idi 2014 idiay ili ti Cervantes a nagbalinen nga opisyal nga outreach program ti UNP-College of Medicine nga adun dagiti naaw-awat na a pammadayaw a ti kaudian laeng ket iti Top 10 Most Outstanding Medical Student organization iti Association of Philippine Medical Colleges.
