VIGAN CITY- Makaawat ti nayon a tulong dagiti apektado ti soil erosion idiay Zone 2, Amguid, Candon City nga agappu iti national government ta naidanunen ken ni Presidente Rodrigo Duterte ti kasasaad dagiti residente babaen iti pannakikinnammayet ti provincial government ken ni Special Assistant to the President Secretary Bong Go.
Segun ken ni Governor Ryan Singson, dakkel ti namnama na a tumulong ti national government iti rehabilitasyon ken shelter assistance program para kadagiti naawanan ti pagtaengan gapu iti panagdissoor ti daga ken dagiti kalsada.
Kabayatanna, pinatalgedan met ni Brgy. Capt. Herminigildo del Rosario a sumagmamano kadagiti apektado a residente nga agtaltalinaed kadagiti evacuation centers ket agsaksakit dan kas ti uyek, panateng ken gurigor.
