VIGAN CITY – Masapul nga agretiron ton ni fighting Sen. Manny Pacquiao nu abaken na ni Keith Thurman iti laban da inton umay a bulan.
Segun iti maysa kadagiti nasinged a gayyem ti fighting senator a ni dati nga Ilocos Sur governor- Narvacan- mayor elect Luis “Chavit” Singson, nu ni American undefeated boxing champ Floyd Mayweather Jr iti ur-urayen ni Pacquiao sakbay nga agretiro, awanen iti mauray na ta arigna agbutengen ni Mayweather a makilaban kenkuana gapu kadagiti adu a kondisyon na.
Maipalagip a ni Mayweather iti nangibaga a sanguen pay nga umuna ni Pacman ni Thurman sakbay ti kidkiddawen na a rematch da.
Kinunana, nu isuna kuma iti masurot ket saan na a kayaten a sanguen ti gayyem na ni Thurman ta naub-ubing iti sangapulo a tawen ngem ti Pinoy boxing champ, ngem gapu ta isu met iti desisyon ni Pacman, nakasagana latta a sumuporta kenkuana ni Singson.
Ti Pacquiao- Thurman fight ket maisayangkat inton July 21 idiay Las Vegas, Nevada.
