VIGAN CITY – Pinermaan ni Presidente Ferdinand Marcos Jr tiAdministrative Order No 23 a mangexpedite kadagiti imported goods a sumrek iti pagilian ken mapabileg ti national security, kasta payen ti pannakasalwad ti karbengan dagiti konsyumer, ken mangsaluad iti aglawlaw kontra iti substandard ken dangerous imported goods.
Nailanad iti AO 23 a pinermaan ni Executive Secretary Lucas Bersamin a ti single electronic invoicing system a patpatarayen ti Philippine Government ket napateg tapno mamonitor ti international trade transaction kadagiti amin nga imported goods.
Mabukel met ti Committee for Pre-border Technical Verification and Cross-border Electronic invoicing, a buklen ti secretary of finance kas chairperson, kadua ti secretary ti agriculture, trade, energy, health, environment and natural resources, kasta payen ti information communications technology nga agserbi a miembro.
Dagiti sabali pay a miembro ket pakairamanan ti Bureau of Customs commissioner, director general ti Philippine Drug Enforcement Agency, ken dua a non-voting representatives manipud kadagiti mabigbigbig nga industry association a madutukan babaen iti chairperson.
