Naipila iti Kamara ti gakat a mangidurduron iti innem a tawen a fixed term kadagiti barangay ken Sangguniang Kabataan officials.
Ti House Bill No. 10747 ket insingasing ni House Speaker Martin Romualdez ken dagiti dadduma pay nga agpanpanday-linteg, a ti gagem na ket tapno adda “continuity” kadagiti programa ken proyekto iti barangay level.
Kabayatanna, idurduron pay ni Romualdez ti singasing a maaddaan iti Social Security System (SSS) membership para kadagiti amin nga opisial ti barangay.
Ti singasing ket inaramid ni Romualdez kalpasan ti pannakisaritana ken ni SSS president Rolando Macasaet.
Segun ken ni Romualdez a maikonsiderar a maipasa iti Kamara ti singasing a mangilatang iti local government units iti pondo para iti binulan nga SSS premium contribution dagiti barangay officers.
