--Ads--

Isingsingasing ti Samahang Industriya ng Agrikultura ti panangipaay ti Department of Agriculture iti subsidiya tapno matulongan dagiti mannalon a nakaro a maap-apektaran iti panangbarat dagiti rice trader.

Segun ken ni National Food Authority Administratr Larry Lacson, timmulongdan kadagiti mannalon idiay Bulacan ta naipatuloddan dagiti trak a mangakup kadagiti naapit nga irik.

Lima porsiento laeng ti kinabaelan ti NFA a gatangen ta napunnon dagiti bodegada.

Gapu dayta, insingasing ni Jayson Cainglet, Executive Director ti SINAG a no kabaelan, ket nasken a mangipaay ti DA iti lima agingga innem a piso a subsidy tapno saan a maawanan iti ganas dagiti mannalon nga agimula iti irik.

-- ADVERTISEMENT --

Innayon ni Cainglet a nasken nga ingato ti NFA ti buying capacity-da tapno maipalawa ti panaggatangda kadagiti apit dagiti mannalon.