--Ads--
VIGAN CITY – Insayangkat ti Vigan City Vaccination Team ti simulation activity itattay kas panagsagana ti pilot rollout iti pediatric vaccination inton bigat October 29, 2021 idiay Ilocos Sur National High School gymnasium.
Ti simulation ket mangipakita ti step-by-step process ken akem ti amin inaig iti panagbakuna kadagiti menor de edad.
Segun ken ni City Health Officer Dr. Loida Ranches, ti simulation ket mangipakita iti namnamaen a mapasamak iti panagrugi ti panagbakuna kadagiti ubbing.
Kabayatanna, karaman ti siudad ti Vigan kadagiti Local Government Unites iti pagilian a makipaset ti nationwide rollout kadagiti menor de edad nga agtawen ti sangapulo ket dua agingga sangapulo ket pito nga adda commorbidities-na ita nga aldaw.
-- ADVERTISEMENT --
