Naisayangkat ita nga aldaw ti Simultaneous Coastal Cleanup a naawagan iti “DALLUYON III” kadagiti sangapulo ket walo a Local Government Units ti Ilocos Sur.
Iti pannaki-uman ti Bombo Radyo Vigan ken ni Provincial Environment and Natural Resources Officer Edgar Yabes, sangapulo ket walo a coastal barangay iti probinsia ti nakipaset pakairamanan ti Teppeng, Sinait; Namruangan, Cabugao; Surngit, San Juan; Pagsanaan Norte, Magsingal; Sived, Sto. Dimingo; Nagtupacan, San Vicente; Paratong, Sta. Catalina; Manangat, Caoayan; Rancho, Santa; Sulvec, Narvacan; Suso, Sta. Maria; Bateria, San Esteban; Butol, Santiago; Calungboyan, Candon City; Vical, Sta. Lucia; Pinpin, Sta. Cruz; ken Libtong, Tagudin.
Nakipaset met iti nasao a coastal cleanup dagiti kameng ti LGU, non-government units, barangay ken dagiti nadumaduma a national agency.
Impaganetget ni Yabes ti kinapateg ti daytoy nga aktibidad tapno mapagtalinaed ti kinadalus ti kabaybayan ken maipasagepsep ti husto a panagibelleng iti basura.
