Pinasingkedan ti Commission on Elections a nagballigi ti insayangkatda a simulation exercises para iti Bangsamoro Autonomous Region in Muslim Mindanao Parliamentary Elections kadagiti 3 a lugar.
Segun iti COMELEC, amin a 10 clustered precincts idiay Cotabato City, Maguindanao del Norte, ken Tawi-Tawi ket nairekord ti 100 percent a balligi, ta amin dagiti botos ket nabilang ket balligi a naipatulod ti resulta dagiti automated counting machine.
Nakipaset pay iti simulation dagiti aktwal a botante.
Indaulwan da Comelec chairperson George Garcia ken ni Commissioner Maria Norina Tangaro-Casingal ti panangobserba iti naisayangkat a simulation ti automated election system a maaramat inton Setyembre 14, aldaw ti eleksion
Segun ken ni Garcia, nagbalin a naannayas ti filing of candidacy idi Mayo 5 agingga 7.
Innayonna a daytoy ti umuna nga eleksion idiay Bangsamoro nga adda ladawan dagiti kanidadto ken logo dagiti Partido iti balota.
