VIGAN CITY – Agtaltalinaed iti ospital ti maysa a siklista kalpasan ti aksidente iti national highway ti Brgy. Maynganay Norte, Sta Maria.
Segun ken ni Police Capt. Joel Dasargo iti Sta Maria Municipal Police Station, ti nagbisikleta ket ni Dominador Ramboanga, agtawen iti pitopulo ket lima, retirado nga AFP a taga-Brgy Maynganay idinto a ti nagmaneho iti Black Yamaha Sniper 150 MC ket ni Jayper Supnet, agtawen iti tallopulo ket pito a taga-Lapting, Nagbukel ken ti backride-na ket ni Mat De Ventura, agtawen iti duapulo ket siam a taga-Brgy Balaweg, Nagbukel
Agpada nga agpapaabagatan a direskyon ti motorsiklo ken ti bisikleta idin ta nagsardeng ti bisikleta iti shoulder lane ket bigla nga inlasatna a mapan iti daya a gapuanan ti pannakaidungparna.
Naipanda iti ospital ngem nakaruar met laeng dagiti naglugan iti motorsiklo.
Nupay kasta, nagpanawagan ni Dasargo kadagiti siklista a sumurot iti paganurotan iti kalsada ken saanda unay a napataray tapno maliklikan ti aniaman nga aksidente.
