VIGAN CITY – Siam ti nakemmeg a nagsusugal idinto a maysa ti nakalibas babaen iti naiwayat nga Anti Illegal Gambling operation idiay Barangay Tallaoen, Tagudin.
Nabigbig dagiti suspek a da Manny Lasco Laberinto, agtawen iti uppat a pulo ket tallo; Merlina Legaspina Layco, agtawen iti uppat a pulo ket walo; Ledy Mae Vergara Laberinto, agtawen iti duapulo ket walo; Ronald Laberinto Dingle, agtawen iti tallopulo ket dua; Gerladine Pineda Bersamma, agtawen iti uppat a pulo ket innem; Jinalyn Lagarteja Realin, agtawen iti tallopulo ket dua.
Ni Lourdes Valdez Ulpindo, agtawen iti pitopulo ket pito; Marivic Valdez Lacasandile, agtawen iti tallopulo ket walo; ken ni Severina Castro Layco, agtawen iti walopulo ket lima, agpapada nga agnaed iti nasao a lugar.
Naaktuan dagiti suspek nga agaayam iti baraha ket naala kadakuada ti maysa set baraha ken PHP8,929 a pusta.
Sangwen dagiti suspek ti kaso a panaglabsing iti Presidential Decree 1602 wenno Anti Illegal Gambling Act.
