VIGAN CITY – Siam a naaktuan a nagsusugal ti nakemmeg iti naiwayat nga anti-illegal gambling operation idiay Barangay Asilang, San Juan.
Nabigbig dagiti suspek a da Jaypee Marantan Bacnis, agtawen iti tallopulo ket uppat a taga-Barangay Nagsupotan; Ruben Valdez Andres, agtawen iti limapulo ket maysa a taga-Barangay Asilang; Wendel Ventura, agtawen iti tallopulo ket dua a taga-Barangay Barbar; Vicente Abos Arrieta, agtawen iti limapulo a taga-Barangay Asilang; Lester Asuncion Corpuz, agtawen iti tallopulo ket tallo; Dharyl Ochobillo Arconado, agtawen iti duapulo ket tallo; Ferdinand Jimenez Dela Cruz, agtawen iti uppat a pulo ket lima; ken ni Gerome Sanches Ramos, agtawen iti tallopulo ket pito, agpapada a taga-Barangay Barbar iti nasao nga ili.
Naaktuan dagiti suspek nga agaayam iti Lucky 9 ken naala kadakuada iti baraha ken pusta a PHP5,465.
Naipanen iti San Juan Police Station dagiti natiliwan a suspek a sumango iti kaso a panaglabsing iti Presidential Decree 1602 wenno Anti-Illegal Gambling Act.
