VIGAN CITY – Naalaan ti CCTV iti napasamak a panagtakaw ti gasolina dagiti nakalugan ti kurong-kurong idiay Brgy. Alangan, Magsingal.
Iti pannaki-uman ti Bombo Radyo Vigan kenni Brgy. Capt. Arnelito Tabalanza, siam a bangka ti natakawan ti gasolina nga agpateg ti dua agingga tallo ribo a pisos tunggal mayssa iti lugarda.
Naduktalan laengen dagiti mangngalap a natakawanda ta awan dagiti container nga inbatida kadagiti bangkada.
Atapen ni Tabalanza a dagiti nakalugan ti kurong-kurong a lallaki a nakitada ti CCTV ket iso ti nagtakaw ti gasolina iti igid ti kabaybayan ti masakopanna.
Innayon ni Maria Urbien, maysa kadagiti natakawan, tatta nalang napadasan a matakawan ti gasolina no man pay kadagiti kallabes a tawen ken adda dagiti mapukpukawanen ti gasolina.
Ti agdama nakai-blotteren ti pasamak ti barangay ken pinalagipan ti kapitan dagiti kalugaranna nga agridam kalpasan ti pasamak.
