--Ads--
Inaprubaran ni Presidente Ferdinand Marcos Jr ti gakat ti Private Sector Advisory Council a mangirusat iti shopping festival iti intero a pagilian ken palag-anen ti visa ken immigration process tapno ad-adda pay a mapapigsa ti turismo iti pagilian.
Inted ti presidente ti go signal na iti maysa a taripnong ti Malakanyang kadua ti tourism sector ti PSAC kalpasan a a naiplastar dagiti rekomendasyon tapno mapapigsa ti tourism industry kasaruno ti pannakaperma ti Republic Act 12079 wenno Value Added Tax Refund for Non Resident Tourists.
Maysa pay kadagiti kangrunaan a singasing ti PSAC ket ti pannakairusat ti nationwide “Shopping Festival Philippines”.
Maigiddan daytoy iti umadani a pannakarambak tib aro a tawen.
-- ADVERTISEMENT --
