--Ads--
Nagpanawagan ni Senate Committee on Finance Chairman Senador Sherwin Gatchalian ti dagus a pannakaisimpa dagiti classroom a nadadael gapu ti agsasaruno a kalamidad manipud Hulyo agingga Oktubre.
Ti addang ket tapno maliklikan ti kinakurang ti pagadalan ditoy pagilian ken masigurado a saan a mataktak ti panagadal dagiti estudiante.
Pinasingkedan ti senador a nasken nga agtignay ti gobierno gapu ta adda posibilidadna a dumakkel pay ti agdama a bilang ti kinakurang ti classroom.
Innayon pay ni Gatchalian a nasken ti natibker a pasdek ti pagadalan kangrunaan kadagiti lugar a naapektaran ti bagyo ken ginggined.
-- ADVERTISEMENT --
