VIGAN CITY- Imimbestigaran dagiti otoridad iti pudno a motibo iti pannakapapatay ti negosyante ken retirado a miembro ti Bureau of Fire Protection gapu iti panangpaltog iti saan a nabigbig a suspek iti sango ti gasolinaan idiay Zone 5, Bantay, Ilocos Sur.
Kinumpirmar ni Police Insp. Edmund Artates, hepe ng PNP-Bantay, maysa a sachet iti mapapati a shabu iti naala ti SOCO team iti uneg ti kotse ti biktima a ni Percival Malana a taga Camestizoan, Sto. Domingo, Ilocos Sur.
Maibasar iti imbestigasyon, kabayatan nga agmanmaneho ti biktima iti kawatiwatan ti national highway ket sinurot isuna dagiti riding in tandem suspect a nangpaltog kenkuana.
Nagsagrap ni Malana iti tama ti bala iti kannigid a bakrang ken bukot na a poun iti nakatayanna.
Walo basyo a bala ti caliber .45 a paltog iti naala iti nakapasamakan iti insidente.
Segun kenni Artates , sakbay iti pammaltoog ket adda iti intudo ti biktima a kasla kayat na a paltugan.
Imimbestigaran daiti otoridad no karaman ti biktima iti drug watchlist.
