VIGAN CITY – Uppat a tao iti nakemmeg iti insayangkat nga Anti Prostitution Entrapment Operation dagiti pannakabagi ti linteg iti Sta Maria Police Station iti Sitio Bataan, Brgy. Suso, Sta. Maria.
Iti pannaki-uman ti Bombvo Radyo ken ni PLt. Joel Dasargo iti Sta Maria PNP, kaso a RA 9208 as ammended by RA 10364 iti sanguenda Manuel Escobar, agtawen ti pitopulo ket lima, balo, akinkukua ken operator iti sex den idiay Brgy. Suso, Sta. Maria ken ni Jack Daproza, agtawen ti tallopulo ket siam, nasawaan, manggalap nga agnaed idiay Brgy. Lingsat, Sta. Maria gapu iti panankakemmegda idinto a panaglabsing iti Article 202 RPC iti sanguen ti dua a balasang nga agtawen ti uppat a pulo, ken duapulo nga agnaed idiay Brgy. Silag, Sta. Maria ken Brgy. Mabilbila Norte, Santa.
Segun ken ni Dasargo, adu iti mangipakpakaamo kadakuada nga adda iti sex den iti nasao a lugar isu a nangisayangkatda iti operasyon ket naaktuanda iti panagnaig ti dua a nakemmeg.
Immunan a naamuanda nga adda pay iti mapmapan a menor de edad iti nasao a sex den ngem awanda idi naisayangkat iti operasyon ket dagiti uppat laeng iti naabutanda.
Innayonna pay a kinasaritan idin ti kapitan ti nasao a barangay ni Escobar ngem pinaglibakanna iti aramidna ket intultuloyna latta.
