--Ads--
Kinarit ni House Senior Deputy Minority Leader ken Mamamayang Liberal Party-list Representative Leila de Lima ti administrasyon a paneknekan a seryoso daytoy iti panangiyetnag iti hustisya ken dusa.
Segun ken ni De Lima, maaramid dayta iti administrasyon babaen ti pannakipaset manen ti pagilian iti International Criminal Court (ICC).
Dayta iti mensahe ni De Lima kalpasan a nadismaya iti saan a panangikaskaso ni Pres. Ferdinand Marcos Jr. kadagiti singasig a rugian ti proseso ti pannakipaset ti Pilipinas iti ICC.
Impaganetget ni De Lima a ti panagsubli ti ICC ket saan nga opsyon a madrib-drible laeng, no diketdi obligasyon a rumbeng a maaramid a saan a mapilpili iti aldawna.
-- ADVERTISEMENT --
