--Ads--
Nasuspenso ti serrek dagiti opisina iti gobierno inton Mierkoles Santo iti alas dose iti aldaw idinto a mapalubosan nga ag-work from home dagiti empleado manipod alas otso iti bigat agingga alas dose iti aldaw.
Iti Memorandum Circular No. 81 nga inruar ti Malakanyang, nakalanad a maikkan iti gundaway dagiti kameng ti gobierno a makabiahe wenno makaawid kadagiti probinsiada tapno makipaset iti Huebes ken Biernes Santo.
Agtultuloy met iti operasyon kadagiti sektor nga adda pakainaiganna iti health services, disaster preparedness ken dadduma pay a kasapulan a serbisyo.
Impaiman iti Malakanyang kadagiti pribado a sektor nu mangisayangkatda iti work from home arrangements ken suspensoen ti serrekda.
-- ADVERTISEMENT --
