Pinalawa ti Pilipinas ti benefits para kadagiti senior citizens, babaen kadagiti baro a cash gifts para kadagiti agtawen iti 80, 85, 90, ken 95.
Ti nasao a benefits ket karaman iti agdama a P100,000 a cash gift para kadagiti centenarians nga agtawen iti 100.
Impanakkel ni Senador Bong Revilla Jr., iti “Expanding the Coverage of Centenarians Act” (RA 11982), ti immadu a suporta para kadagiti Filipino grandparents.
Inyunay-unayna a mangipaay ti gobierno iti financial assistance gapu kadagiti milestone, kontribusion da ken ti napaut a panagbiagda.
Dagitoy a benepisio ket maipatungpal inton January 2025, ken makikoordinar ti National Commission of Senior Citizens (NCSC) kadagiti adda pakainaiganna nga ahensia a kas iti Philippine Statistics Authority (PSA) ken local government units tapno masigurado ti efficient online registration para kadagiti benepisiario.
