VIGAN CITY- Manarimaan iti panangsapul dagiti otoridad ti suspek a nangpaltog iti maysa a lalaki nga agtawen iti 61 idiay Barangay Pias, Tayum, Abra ta saan a napagustwan a gumatang ti arak.
Ti pannaki-uman ti Bombo Radyo Vigan, inbaga ni S/Insp. Ivan Soriano, hepe ti Tayum municipal police station a nakaawat da iti impormasyon inaig iti napasamak a shooting incident ti nasao a barangay.
Idi napan da nagresponde, nasarakan da ti bangkay ti biktima a ni Bibiano Lucas Baula a nakadata ken agdigdigosen ti bukod na a dara gapu ti tallo a tama iti paltog ti bagi na, nangruna iti barukong ken tiyan idinto a ti maitudtudo a suspek a ni Jaypee Adriatico ket insigida a naglibas kalpasan iti pasamak kas pinasingkedan ti live in partner ti biktima a ni Marissa Lim Baula.
Naamuan a mamindua a daras a gimmatang ti suspek ti sigarilyo ket idi kapamitlo nan iti agsubli iti sari-sari store a kukua ti biktima ta gumatang kuma ti arak, inbaga ti biktima nga awanen ti lako da ken agserra dan.
Gapu ti dayta, posible a napabainan ti suspek ket pinaltugan na ti mamin-adu a daras ti suspek a poon iti nakatayan na.
