VIGAN CITY – Pimmusay ti babai a senior citizen a nadungpar ti Yellow a Volkswagen iti national highway idiay Brgy. Bonifacio, Cabugao, Ilocos Sur.
Nabigbig ti biktima a ni Braulia Salvatiera, agtawen ti walopulo ket dua, naasawaan a taga-Brgy Bonifacio, Cabugao idinto a ti nakadungpar ket ni Rebecca Pulido, agtawen ti innem a pulo ket uppat a taga-Brgy. Sagsagat iti nasao met laeng nga ili.
Maibasar iti insiyal nga imbestigasyon, bumallasiw ti biktima nga agpaabagatan idi nadungpar iti agpapaamianan a Volkswagen a gappuanan ti pannakadunor iti naduma-duma a paset ti bagi ti biktima kangrunaan ti ulona.
Insigida a naipan iti Pira Clinic Hospital ti biktima ngem pimmusay idinto nga addan iti kustodiya dagiti pannakabagi ti linteg ti nakadungpar para iti naan-anay a dokumentasyon ken proper disposition-na.
