Senior citizen nga intapwak ti lalaki nga agsagsagaba iti depresyon, dead on the spot

VIGAN CITY – Dead on the spot ti maysa a senior citizen gapu ti panangitapwak kenkuana ti maysa a lalaki nga agsagsagaba iti depresyon idiay Vigan City Public Market.

Nabigbig ti biktima a ni Rosario Rabang Regua, agtawen iti pitopulo ket uppat, agnaed iti Barangay Fatima, Vigan City idinto a ti suspek ket ni Angelo Garcia Pido, agtawen iti duapulo ket dua, agnaed iti Barangay Tay-ac, Bantay.

Segun iti maysa a witness, agpatpatang ti biktima ken suspek iti maikadua a kadsaaran ti Vigan Public Market ket bayat ti panagpatpatangda, binagkat ti suspek ti biktima sa intinnagna iti baba.

Kalpasan dayta, naglibas a nagpaamianan ti suspek ngem nakemmeg met laeng babaen ti naiwayat a hot pursuit operation.