VIGAN CITY – Natay ti maysa a senior citizen a lalaki ta nadanog ken nabagkong ti ulona babaen ti maysa a piraso ti kayo idiay ili ti Sigay.
Ti biktima ket agtawen ti innem a pulo ket siam, mannalon idinto a ti suspek a maitudtudo ket maysa a kagawad ti barangay nga agtawen ti lima pulo.
Segun ti Sigay Municipal Police Station, nakaawatda ti tawag manipod ti maysa a concerned citizen nga adda ti nasarakan a bangkay ti pagtaengan ti suspek isu a nagrespondeda.
Rimmuar ti imbestigasyon ti kapulisan a binisita ti biktima ti pagtaengan ti nasao a babai a mapapati nga adda iti parikot ti panunotna nga asawana ti suspek ket nakitana a nakarabaw ti biktima ti asawa iti suspek.
Dinanog ti suspek ti biktima ti namin uppat a daras ken binagkong na ti ulona babaen ti maysa a piraso ti kayo.
Innayon ti PNP nga inaklon ti suspek ti pasamak isu nga ita ket adda ti kustodiya dagiti pannakabagi ti linteg.
