Nasarakan ti maysa a senior citizen nga awanen iti biagna idiay Barangay Poblacion Norte, Salcedo, Ilocos Sur ti oras iti alas otso baente iti rabii idi March 21, 2026.
Nabigbig ti natay nga agtawen iti innem a pulo, karpentero nga agnaed iti nasao a lugar.
Segun ken ni Barangay Kagawad Rogelio Rubang a kadua ti nasao a senior citizen iti tobacco barn-na, nagturong isuna iti CR idi nakitana daytoy a nakaidda iti baba iti toilet iti nasao a lugar ket idi awaganna iti naganna tapno tumakder ket saanen a simmungbat pay.
Kinuna ni Rubang a sakbay dayta ket nagsagaba ti senior citizen iti diarrhea ken hypertension ken nabalakadan nga agpa-check-up iti ospital ngem saan a napan.
Impadas ni Rubang nga ipan ti senior citizen iti Ilocos Sur District Hospital-Salcedo ngem naideklarar a dead on arrival babaen iti attending physician-na ket naammoan a ti nakatayanna ket cardiac arrest.
