--Ads--
VIGAN CITY – Nasarakan nga awan biagna ti maysa a senior citizen idiay Sitio Zone 6, Barangay Barbarit, Magsingal, Ilocos Sur.
Nabigbig ti biktima a ni Arcenio Uriganay Ursua, agtawen iti pitopulo ket innem, mannalon, agnaed iti nasao a lugar.
Nakaawat ti Magsingal Police Station iti tawag manipud iti maysa a concerned citizen nga adda bangkay iti nasao a lugar a tinurong met dagiti pannakabagi ti linteg.
Segun ken ni Ferdinand Alvarez, Barangay Kagawad, impakaammo kenkuana ni Eduardo Sabado a nakitana ti biktima a nakadasay iti mulana a mais idi mapan iti talon.
-- ADVERTISEMENT --
Pinadasna a riingen ngem nadlawna a saanen nga agang-anges isu a nagpaarayat ket naipaagas iti Ilocos Sur District Hospital, Magsingal ngem naideklarar a dead on arrival.
