Senior citizen, nasarakan a natay iti uneg ti pagtaenganna

Nasarakan a natay ti maysa a senior citizen iti uneg ti pagtaenganna iti Barangay Tamag, Vigan City, Ilocos Sur.

Ti senior citizen ket nabigbig a ni Edmund Cabalbag, agtawen iti pitopulo ket uppat.

Segun iti kabsat ti nasao a senior citizen, mapanna koma kitaen idi kalman ta napaliiwda a saan pay pulos a rimmuar iti pagtaenganna ngem nasarakanna metten a nakadasay nga awan biagna.

Mapapati a mapan umisbo koma ti senior citizen ta idi nasarakanda a natay ket nakalukat ti zipper-na.

Madukduktalan no ania ti posible a nakatayan ti senior citizen ta madakdakamat pay nga agsagsagaba iti angkit.