Maysa a senior citizen ti nasarakan a natay idiay Barangay Salapasap, Cabugao, Ilocos Sur.
Nabigbig ti senior citizen a ni Norberto Del Rosario Basuil, agtawen iti innem a pulo ket uppat, mangngalap a taga-Barangay Pug-os, Cabugao.
Nakaawat iti tawag ti Cabugao Police Station manipud ken ni PEMS Orlino Palalay iti Cabugao Maritime Police a mangipakpakaammo nga adda bangkay a nakadasay iti motorized banca.
Iti pannaki-uman ti Bombo Radyo Vigan ken ni PLT Richard Pajo, alas kuatro iti parbangon idi November 21, napan nagkalap iti kabaybayan ti amana agingga a nasarakan laengen ni Ronald Andres Agutus nga awan biagna bayat ti panagkalkalpana met laeng iti kabaybayan.
Nagresponde dagiti pannakabagi ti linteg ket idi makadanonda, dagus a naitaray iti Ilocos Sur District Hospital-Sinait ti senior citizen ngem naideklarar a dead on arrival.
