Nasarakan a natay ti maysa a senior citizen iti kuartona idiay Barangay Panay Norte, Magsingal, Ilocos Sur.
Nakaawat ti Magsingal Police Station iti tawag manipud iti maysa a barangay official a mangipakpakaammo iti pannakasarakda ti biktima a natay.
Tinurong dagiti pannakabagi ti linteg ket nadanunanda ti biktima a nakaidda iti kuartona nga awanen biagna.
Mapapati a natay ti senior citizen gapu iti pannaka-atake ken nasurok 24 nga orasen a natay idi nasarakanda.
Segun iti karruba ti biktima, alas otso iti bigat ti Marso 9, 2026, napan isuna iti balay ti biktima ket pinagunianna ngem awan ti simmungbat.
Alas nuebe iti bigat ti isu met laeng nga aldaw, tinawaganna manen ti biktima, ngem awan latta ti sumungbat isu a napilitan dagiti kabagianna a manglukat iti balayna ket isu ti pannakasarakda a natay iti katrena.
