VIGAN CITY – Nasarakan a natay ni Guillermo Remular Rebula, agtawen iti pitopulo ket lima, agnaed idiay Barangay Pudoc, San Vicente, Ilocos Sur.
Nakaawat ti San Vicente Municipal Police Station ti tawag manipod concerned citizen nga adda nasarakan a natay iti kataltalonan iti nasao a lugar.
Pinasingkedan da Eduardo Recumio Rualizo, agtawen iti limapulo ket maysa, mannalon; ken Jaylord Bantolina Rebula, agtawen iti uppat a pulo ket tallo mannalon; ken Rodel Viesta Rebula, agtawen iti uppat a pulo ket pito nga agpapada a mannalon nga agnaed iti nasao a lugar a bayat ti panagawdda ket napansinda ti bisikleta a nakaparking iti igid iti kalsada idin nakitada ti bangkay ni Guillermo Rebula.
Naideklarar a dead on the spot ti biktima babaen ken n Dr. Amado Viesta Jr. a Municipal Health Officer iti Rural Health Unit iti San Vicente.
Awan met ti aniaman a senyales ti external injury ti biktima ken awan ti foul play ti pannakatayna.
