VIGAN CITY- Kaso nga attempted homicide ti sanguen ni Manuel Barrientos nga agtawen iti innem a pulo ket innem a taga-Quinarayan, Narvacan gapu ti panangpaturong na ti gauge 12 shotgun wennu paltik ken ni Rochelle Cabusao nga agtawen iti sangapulo ket siyam nga agnaed met laeng iti nasao a lugar idi rabii ti Huwebes a nairana laeng a limmabas iti ayan na nga agtugtugaw.
Ti pannaki-uman ti Bombo Radyo Vigan ken ni PCInsp. Marcelo Martinez, hepe ti Narvacan municipal police station, attempted homicide ti inyuli da a darum kontra ti suspek ta naamuan a saan na laeng a simple nga inpaturong iti ikot na a paltog ken ni Cabusao ngem kinalbit na pay iti gatilyo ti paltog ngem saan a nagputok.
Naala dagiti otoridad ken ti suspek iti nasao a paltog idi nagresponde da, pakairamanan iti dua a bala para ti gauge 12.
