--Ads--
VIGAN CITY – Depresyon ti gapu no apay a nagpakamatay babaen ti panagbekkelna ni Alejandro Remillo, agtawen iti pitopulo ket tallo, mannalon a taga-Nambaran, Sto. Domingo.
Nasarakan ti putotna ti biktima a ni Arnold Remillo, agtawen iti uppat a pulo ket innem ti amana a nagbekkel iti uneg ti kwartona babaen ti extension wire nga ingalutna iti metal hanger bar.
Iti pakpakauna nga imbestigasyon, regular ti check-up ti biktima gapu ti sakitna ket maipagarup a saannan a naibturan isu a nagbekkel.
Rinespondean dagiti kameng ti Rural Health Unit iti nasao nga ili ti pasamak ngem indeklarardan a natay ti biktima ket saanen a naipan iti ospital.
-- ADVERTISEMENT --
