Senior citizen, nadunor kalpasan a ma-hit and run

Maysa a senior citizen ti nadunor kalpasan a madungpar ti maysa a kotse iti national highway ti Barangay Quirino, Tagudin, Ilocos Sur.

Ti pedestrian ket agtawen iti walopulo, taga-Barangay Rizal, Tagudin.

Segun iti maysa a witness, adda iti daya a paset ti kalsada ti pedestrian nga agur-uray iti panagballasiw idin ta nadungpar ti napaspas ti patarayna a kotse.

Gapu dayta, naipurwak ti pedestrian iti kalsada ket nadunor ti nadumaduma a paset ti bagina idinto a naglibas met ti drayber ti kotse.

Naipaagas met iti ospital para iti naan-anay a pannakatamingna.