--Ads--
VIGAN CITY – Dead on the spot ti maysa a senior citizen a nagballasiw idiay Brgy. Manueva, Santa.
Nabigbig ti biktima a ni Lilia Balbuena agtawen pito pulo ket maysa agnaed ti nasao a barangay ken iti nagmaneho ti Yamaha NMax a ni Winson Queral agtawen dua pulo ket siam agnaed ti Brgy. Casiber iti nasao nga ili.
Basar ti report manipod Santa Municipal Police Station, aggapo ti daya a paset ti kalsada ni Balbuena nga agballasiw a mapan ti laud a paset ti kalsada ngem nadungpar ti motorsiklo ni Queral nga agpapaabagatan a diresyon.
Nagsagaba iti nakaro a dunor ti ulo ti biktima ken naideklara a dead on the spot babaen kenni Dr. Marilou Cardenas ken naipan ni Queral ti ospital para iti pannakataming na.
-- ADVERTISEMENT --
