Maysa a senior citizen ti nadungpar iti traysikel iti national highway idiay Barangay Poblacion Norte, Sta. Maria, Ilocos Sur.
Nabigbig ti senior citizen a ni Jesus Cabrillas Adolfo, agtawen iti pitopulo ket pito, agnaed iti nasao a lugar.
Ti met nagmaneho iti motorsiklo ket ni Josefino Caberto Bade, agtawen iti innem a pulo ket maysa, taga-Barangay Cagayungan, Narvacan.
Aggapu iti laud a paset ti highway ti senior citizen idin nagballasiw; ket idi magtengna iti tengnga, sumungad met ti napaspas tarayna a traysikel nga aggapu iti abagatan ket pinadas a linisyan ti senior citizen ngem nagmaniobra met ti traysikel a nagpakannigid isu a nadungparna.
Gapu dayta, nadunor ti drayber ken pedestrian a naipaagas iti ospital para iti naan-anay a pannakatamingda.
