VIGAN CITY – Naipaagas iti ospital ni Conchita Palabay, agtawen iti innem a pulo ket innem, housewife, taga-Olo-olo Sur, Santiago gapu gapu ti pannakadungparna idiay Barangay Poblacion Norte, Santiago babaen ti kurong-kurong a minaneho ni Joemer Elizarde, agtawen iti tallopulo ket innem, taga-Barangay Mambug, Santiago.
Basar iti CCTV footage, bimmallasiw ni Palabay idin ta saan a nakapreno ti agpapa-amianan a kurong-kurong ket nadungparna ti nasao a senior citizen.
Gapu dayta, nadundunor ni Palabay ken naipan iti Candon General Hospital para ti pannakatamingna idinto a ti drayber ket saan a naan-ano.
Segun ken PSSgt. Rogelio Molina, adda pay la iti pagagasan ken awan puotna ni Palabay kasta payen nga awan pay ti inisyal a napagpapatangan no mapilaan iti kaso ti nagmaneho iti kurong-kurong.
