--Ads--
Nadunor ti ulo ken nadumaduma a paset ti maysa a pedestrian a nadungpar ti kuron-kurong idiay Barangay Bimmanga, Tagudin, Ilocos Sur.
Nabigbig ti pedestrian a ni Rosita Lucero Nabong, agtawen iti pitopulo ket tallo, taga-Barangay Bimmanga.
Ti met nagmaneho iti kurong-kurong ket ni Odelon Callao Ariola, agtawen iti sangapulo ket siam, taga-Barangay Baracbac.
Iti pannaki-uman ti Bombo Radyo Vigan ken ni Police Major Kleyvan Paycao Dalang, agpapa-abagatan ti kurong-kurong idin ta nadungpar ti senior citizen a bimmallasiw.
-- ADVERTISEMENT --
Awan ti headlight ti kurong-kurong nga isu ti rason no apay a saanna a nakita ti nadungparna a bimmallasiw.
Nupay kasta, saan met a naan-ano ti drayber ti kurong-kurong ken ti inluganna.
