Maysa a senior citizen ti nadungpar iti freezer van iti National Highway ti Barangay Aggay, Bantay, Ilocos Sur.
Ti senior citizen ket agtawen iti walopulo ket uppat, agnaed iti nasao a lugar.
Ti met nagmaneho iti trak ket agtawen iti duapulo ket innem, taga-Barangay Suyo, Luna, La Union.
Maibasar iti CCTV footage, aggapu ti senior citizen iti abagatan a kalsada wenno iti outer lane ket idi bumallasiw, nadungpar daytoy ti agpapalaud a trak.
Gapu dayta, nadunor ti paset ti kiday ken nadumaduma a paset ti bagi ti senior citizen a naipaagas iti Metro Vigan Hospital para iti naan-anay a pannakatamingna.
Saan met a naan-ano ti drayber ti trak a naipan met laeng iti Ilocos Sur Provincial Hospital Gabriela Silang, Barangay Tamag, Vigan City para iti naan-anay a pannakatamingna.
