VIGAN CITY – Duapulo ket tallo a kaso ti covid19 ti nainayon ditoy probinsia a maysa kadakuada ket natay.
Ti biktima ket manipud iti Brgy Mantanas, Sta cruz, maysa a returning resident, babai nga agtawen iti pitopulo ket dua.
Narigatan ti biktima a naganges, adda travel historyna diay La union, saan nga ammo ti nakaexpose’anna ken broad ti nakapulapolna
Kabayatanna, uppat a kaso ti nainayon iti siudad ti Vigan ken ili ti cabugao, tallo iti ili ti Caoayan, ken Sta Maria; dua idiay Sto Domingo, San Vicente ken Banayoyo ken saggaysa iti ili ti San Juan, Salcedo ken Magsingal.
Malaksid ti dayta, nairekord ti probinsia ti kaso ti reinfection nga isu ni ISC951, maysa nga agtawen iti tallopulo ket maysa a lalaki a taga-Anonang Menor, Caoayan, returning resident a healthcare worker.
Asymptomatic, adda travel history-na idiay National Capital Region, nai-expose iti high risk area ken limitado dagiti nakapulapolna.
Awan ti nasurot a community containment strategy ta insigida a na-isolate ti pasyente.
