VIGAN CITY- Awan iti agas wennu vitamins a tum-tumaren ni Consolacion Quiton a taga-Salindeg, Vigan City nupay nadanun nan iti tawen na a sangagasut agsipud ta iti katay na iti iyap-aprus na ti paset iti bagi na nga agsakit.
Segun ken ni Ester Quiton, agtawen iti pito pulo ket innem ken maikatlo nga anak n Consolacion, saan a nairuwam iti ina da nga agtumar kadagiti agas wennu vitamins agsipud ta maagasan na iti bukod na a bagi.
Nupay kasta, saanen a nalaka a makabangon-bangon iti baket, kasta pay nga adda kab-kabaw nan isu a nangala dan iti katulungan da a mangtaripato kenkuana agsipud ta saan da a magwantaran nga aywanan nangruna ket adu dagiti sabali a pakakumikuman da.
Ni Nanay Consolacion ket nakaawat iti sangagasut a ribo a pisos manipud iti city government kas maysa kadagiti centenarian iti syudad.
