Senior citizen iti ili ti Suyo, natay iti napasamak a gingined

VIGAN CITY – Maysan ti natay iti probinsia gapu ti gingined kalpasan ti pannakasarak iti bangkay ti maysa a senior citizen a ni Sevia Calatan, agtawen iti walopulo ket walo a taga-Sitio Baudan, Barangay Man-atong, Suyo.

Nakapakaamoan ti Suyo Police Station nga adda nasarakan a bangkay iti kakaykaywan a paset ti barangay nga insigida met a tinurongda.

Sakbay ti gingined, nakita ti biktima a napan iti pagmulmulaanna a bakras idin ta naggined.

Gapu dayta, nagreggaay ti daga ket natamaan ti biktima ket nagaburan a pinadas met nga isalakan dagiti residente ngem saanda a nagballigi.

Idi nasarakan ti bangkay ti biktima, makita iti bagina dagiti adu a dunor a sinagrapna.