VIGAN CITY – Napaltugan ti mabagbagina ti maysa a senior citizen idinto a nadunor met ti rupa ti kaduana gapu ti pannagbat idiay Barangay Lao-ingen, Sto. Domingo.
Nabigbig ti biktima iti pammaltog a ni Ariston Molina, agtawen iti innem a pulo, mannalon a residente iti nasao a lugar idinto a ti nangpaltog a suspek ket ni Salvador Tiboc, agtawen iti limapulo ket lima a residente met laeng iti nasao a lugar.
Iti inisyal nga imbestigasyon, kagapgapu dagiti dua a naginom iti pagtaengan ni Jorly Bermudez ket bayat ti panagawidda, adda ti saanda a nagkinnaawatan.
Gapu ti dayta, pinaltugan ti suspek ti biktima iti naminsan a daras isu a bimmales met ti biktima ket tinagbatna ti suspek babaen iti duapulo a pulgada ti kaatiddugna a buneng idinto a caliber 45 met ti naaramat iti pammaltog.
Naipaagas dagiti dua iti ospital para ti naan-anay a pannakatamingda.
