VIGAN CITY – Maysa a senior citizen iti nangipila iti kaso kontra iti nobyana a nangtakaw ti kuartana ken ATM card-na.
Ti biktima ket ni Lope Laureta Palomares, agtawen ti pitopulo, retired Armed Forces of the Philippines member a taga-Sagneb, San Ildenfonso idinto a ti suspek ket ni Vanessa Miñon, agtawen ti duapulo ket walo, balasang nga agnaed idiay Balacad, Laoag City.
Iti pannaki-uman ti Bombo Radyo Vigan ken ni PCapt. Alberto Ramos Jr., personal a nagturong ti biktima iti San Ildefonso Police Station ket impakaamona iti panagtakaw ti nobyana iti P30,000.
Pinasingkedan ti biktima a napan iti pagtaenganna ti suspek idi September 23, 2022 tapno umutang para iti mabayadan iti ospital gapu ti panagsakit ti amana ket inikkanna iti P7,000 ket intulodna pay iti ili ti Sto. Domingo idi aglugan tapno agawid idiay Ilocos Norte ngem apaman a nagawid ket naduktalanna a natakaw ti P30,000 iti sling bag-na na adda iti pagiddaanna, tinawaganna ti suspek ket inaminna nga innalana ti kuarta ngem inkarina a sukatanna inton maalana ti sueldona.
Nupay kasta, nagkitada manen idi February 21, 2023 iti pagtaengan ti biktima ket immutang manen para iti pagpletena a mapan idiay Makati ket kinunana a padayawan isuna ti kompania gapu iti pannakaalana ti trabahona ket idi agawid, kinuyogna manen iti ili ti Sto Domingo para iti panagurayna iti bus ket inikkanna pay ti P2,000.
Apaman a nakaawid ti suspek ket inkeddeng ti biktima nga ag-withdraw ti ATM machine ngem naduktalanna a mapukpukaw ti ATM card-na ket idi impakaammona ti LandBank Vigan Branch iti nasao nga insidente ket naamoanna a nagiwithdraw ti suspek idiay DBP, Rang-ay Bank, Sinait.
Kinomprontarna manen ti suspek ngem nagkari manen nga isublinanto ti kuartana ngem agingga ita ket saanan a makontak a gappuanan ti panangipila ti biktima ti reklamo kontra ti suspek.
VOICE OF PCAPT. ALBERTO RAMOS JR
Inlawlawag ni Ramos a nagam-ammo dagiti dua babaen ti panangibati ti biktima ti kopya ti cellphone numberna iti maysa a vegetable vendor agingga adda nangkontak kenkuana a rason ti panagrelasyonda.
Kinunana a namindua a daras laeng a napan iti pagtaengan ti biktima iti suspek nga isu iti panagalana kadagiti kuarta ken ATM card-na.
Nakikammayeten ti San Ildefonso PNP iti Laoag PNP ken Makati PNP para iti nasao a banag ket naalada ti kontak ti suspek ngem agingga iti agdama ket saanda pay a nakontak.
VOICE OF PCAPT. ALBERTO RAMOS JR
