--Ads--
VIGAN CITY – Nagsagaba iti adu a dunor iti barukong ken tian ni Romeo Gonzales Sistoza, agtawen iti innem a pulo ket lima, baro, maysa a mannalon ken residente iti Barangay Baclig, Cabugao, gapu ti panangbagkong kenkuana ti saan pay a nabigbig a suspek.
Immatendar iti biktima iti family gathering iti pagtaengan ti kabagianna a ni Narding Sistoza, kaduana dagiti dadduma pay kabagianda, ket idi rimuar ti biktima iti pagtaengan ket isu ti panangbagkong kenkuana ti suspek.
Naipagas ti biktima iti Suero General Hospital para iti pannakatamingna.
Agtultuloy met iti imbestigasyon dagiti otoridad para iti pannakabigbig ti suspek.
-- ADVERTISEMENT --
