VIGAN CITY – Natay iti pammagkong ni Alfredo Decano Sr., agtawen iti innem a pulo ket dua a taga-Brgy. Subadi Sur, Burgos.
Nabigbig dagiti suspek a da Danny Foronda, agtawen iti uppat a pulo ket pito, mannalon nga agnaed iti nasao a lugar idinto a dagiti nakalasat a biktima ket da Alfredo Decano Jr., agtawen iti tallopulo ket maysa; Albert Decano, agtawen iti duapulo ket siam.
Agin-innom ni Alfredo Decano Jr., Albert Decano ken ti suspek iti lugarda idin ta adda ti saan a nagkinnaawatan ti suspek ken dagiti biktima a kasangsangona nga uminom.
Napan inanawa ni Alfredo Decano Sr., dagiti agririri ngem binagkong ti suspek ken insarunona pay a binagkong dagiti kinasangona nga uminom.
Naipaagas dagiti biktima iti ospital ngem naideklarar a dead on arrival ni Alfredo Sr. idinto a ti suspek ket naglibas kalpasan ti pasamak.
