VIGAN CITY – Daydayawen tatta dagiti tattao ti agtawen ti innem a pulo ket maysa a babai a taga- Lipa City, Batangas gapu iti panagdait na ti ginasut a face masks para kadagiti apektado ti ash fall gapu iti phreatic eruption ti Bulkan Taal idi January 12.
Dayta ket kalpasan nga in-share ni Mary Ann Mantuano iti ladawan ken video ti ina na a ni Rosalina kabayatan iti panagdait na iti face masks para kadagiti kapada da nga apektado ti ash fall.
Ti pannaki-uman ti Bombo Radyo Vigan ken ni Mary Ann, manipud idi napasamak iti phreatic eruption iti nasao a bulkan ket pinanpanunuten ti ina na iti wagas nga aramiden na tapnu makatulong iti sabali a tao.
Idi nangngeg ti ina na iti damage a naibusanen iti suplay iti face masks ken ngimmina payen iti presyo na iti tiyendaan, napanunut na nga agdait laengen ti face mask nga iwaras da kadagiti agkasapulan uray ket adu met dagiti extra a tela iti pagtaengan da a tidda na iti panagdait na.
Agsipud iti dayta, maragsakan da Mary Ann ta uray nu saan da a nabaknang ket nakatulong da kadagiti agkasapulan babaen iti napanunut a wagas ti ina da.
