Nagsagaba iti tama ti paltog ti akin-kannawan a saka ti maysa a senior citizen a biktima iti aksidente a panagpaputok ti paltog iti ili ti Santiago, Ilocos Sur.
Nabigbig ti biktima a ni Rodolfo Bebe Tolentino, agtawen iti innem a pulo ket lima, construction worker idinto a ti suspek ket agtawen iti uppat a pulo ket pito, mannalon, agpada nga agnaed iti nasao nga ili.
Naginom dagiti dua iti pagtaengan ti suspek, idin ta ti suspek ket inasotna ti paltog manipud iti sling bag-na ken impakitana iti biktima ken nakalbitna ti trigger, ket natamaan ti akin-kannawan a sakana.
Naitaray iti ospital ti biktima para iti pannakatamingna, idinto a ti suspek ket boluntaryo a simmuko iti kapitan ti barangay, agraman ti paltog a homemade caliber 38 SPL revolver nga adda lima a bala ken maysa a fired cartdrigde ti isu met laeng a kalibre ti paltog.
